RIGLYNE VIR DIE OPSTEL VAN ‘N CV

Die volgende word slegs aan aansoekers as riglyne voorgestel wanneer ’n Curriculum Vitae (CV) opgestel moet word.

• ’n CV moet kort en kragtig, kronologies en puntsgewys uiteengesit word.

• Inligting soos ouderdom, geslag en huwelikstatus is nie meer ’n vereiste op ’n CV nie, maar kan die werkgewer help om ’n besluit te neem oor jou aanstelling.

• Belangrike inligting op ’n CV is jou matriekvakke wat jy geslaag het, sowel as alle tersiêre opleiding.

• Gee alle relevante inligting as jy ’n leiersposisie beklee of beklee het. Maak seker dat jou kontakbesonderhede duidelik en korrek is.

• ’n CV sonder spelfoute is belangrik, want dit is die eerste indruk wat die werkgewer van jou kry.

• Indien jy na vorige werke verwys, meld die dag, maand, jaar en die tydperk wat y by die vorige werk(e) was.

• Verwys kortliks na jou take en noem die suksesse wat jy behaal het.

• Foto’s van jouself en of jou familie is onnodig.

• Dit is verder belangrik dat die inhoud maklik moet lees.

• Hou die CV kort en eenvoudig, sonder om belangrike inligting weg te laat.