Is jy n beginneronderwyser? Almal droom van jou eerste weke en maande in jou nuwe beroep. Maar so baie beginneronderwysers worstel in hul nuwe omgewing. Hulle voel dat die Universiteit hulle dalk akademies voorberei het, maar beslis nie emosioneel toegerus het vir die werklikhede waarmee hulle nou gekonfronteer word nie. Hulle verwagtinge is dikwels nie dieselfde as hul ervaring nie. Verder is die goeie mentoronderwysers by die skool dikwels ook die besigste onderwysers by die skool, so die beginners word ‘n paar lêers in die hand gestop en daar word net van hulle verwag om te presteer. Die druk op akademiese en buitemuurse gebied is groot. Die werklikheid is skielik so anders as wat hulle geglo het dit gaan wees en hulle voel dikwels geisoleerd en twyfel in ‘n beroepskeuse wat baie van hulle einlik as ‘n roeping beskou het.



As hierdie vir jou bekend klink, hoef jy nie alleen deur die eerste maande van skoolhou te worstel nie. Word deel van ‘n navorsingsprojek waar ‘n universiteitsdosent en ervare onderwyser aanlynmentorskap aan beginneronderwysers gaan bied. Ons gaan saam reis deur verwagtinge en ervaringe en jou toerus om beter te reageer op die uitdagings wat jy op akademiese, emosionele en administratiewe gebied ervaar. Jy is welkom om by ons aan te sluit om bemoedig te word, gementor te word, hulpbronne te deel en jou ervaringe te deel. Die projek het etiese klaring van die betrokke Universiteit en ons kan jou vra of ons van die data anoniem in navorsingsartikels mag gebruik